رائيكم في اللنكولن نافيجيتور من ناحية القطع

نفس الاكسبديشن كقطع ومكينة وقير 
باختلاف نظام التعليق والاكسسوارات الداخلية والخارجية 

اغلى شي فيه الهيدروللك 

السياره كلها هيدروللك حسب علمي المساعد الواحد 6000الف

ماانصحك تاخذه خذ الاكسبديشن افضل بمراحل وابيع للك 

ما دامه ما يتحرك دايم و بس لمشاوير العايله
خذ اكسبدشن 2014 بدون دبل اوفر لك
شكل عندك سياره ثانيه للاستخدام اليومي

ابد قطعه بإذن الله مثلها مثل الاكسبدشن بنسبه كبيره

فيه اختلافات بسيطه من ناحية القطع المكانيكيه

ولو حصل شيء غالي مثل الهدروليك مثل ما يقول اخوي ^^ ترا الاكسبدشن ليمتد ايضا يجي هدروليك ويركب عليه

لان اصلا الشاص واحد بالملي

وتقدر تروح للصناعيه القديمه او من محلك الان خذ الرقم من قوقل

رقم قطع غيار التقوى او الجواد الادهم واسالهم عن قطع اللنكون والاكسبدشن بنفس الوقت

تراه معقول جدا جدا , سالت عن المساعدات الواحد ب 160 ريال امريكي مثل الاصلي بن جبريل وفيه اقل 

الفحمات طقم ب 320 ريال 

موفق

قطع البدي الخارجي اغلى من البورش 

الهدروليك الواحد ب 6000 !!

الي اعرفه هيدروليك النافيقيتور هو نفسه هيدورليك الاكسبدشن الكينق رانش وفي الاصل هو بوالين وليس هيدروليك والبوالين معروف ان سعرها ارخص من الهيدروليك وعمرها اطول اعطالها اقل مقارنه بالهيدروليك اللي بالزيت او الهوا ومعقد يعني عط بوالين النافيتور اقل شي 5 سنوات مع سوء الاستخدام لان طريقت عملها ماهو معقد كلها بالون يتعبى هوا وخلاص عكس هايدروليك الالماني اللي يجي فعلا غالي وينخاف منه وحساس جدا

كلام شاقح صحيح 

هي بوالين وليست هيدروليك كامل
يعني بدال الياي بالون هواء اضافة للمساعد العادي

وهذا النظام موجود في الرام اللارمي وطريقة عمله بسيطه 

بمجرد استشعار البالون بحمل زايد ينتفخ عن طريق حساسات مربوطه بكمبروسر الهواء 
وفي نفس الوقت تقدر تتحكم فيه حسب رغبتك 

وعلى فكرة السستم هذا تقدر تركبه على اي شاحنه سواء كانت سست ولا يايات وطقم كامل بالكمبروسر حقه واذا بغيت استشعار تلقائي بعد
فكرت اركبه عندي في الرام وكان بيكلفني السستم كامل 4500 طلبية من امريكا 

لكن ركبته بدون كمبروسر وصرت اتفخها يدوي 

ولا تنسون النافيجاتور مصنف كـ شاحنة "فخمه" يعني ماراح يكثرون فيه التعقيدات 

الي اعرفه الموديل الي قبله هيدروللك مساعدات بالامام مثل الفياقرا والبي ام بالدليل اكثر من واحد شفته مفقوعه مساعداته السياره تتنكس منقدام زيها زي الرنج لماتضرب مساعداته يطيح ولاشغلت السياره الدنمو يعبي هواء ويرفع السياره لكن بعد فتره راح بخرب لانه باستمرار راح يغذي المساعد ويرفعه على طول الين مايخرب

امابخصوص السعر صراحه شفت الكثير يعرضون قطع غيار مجدده ويذكرون السعر وهوحتى لواقل راح يضل غالي مستحيل يكون ارخص من 4000الف زيه زي الاودي والبي ام والبورش والمرسيدس والجاكور....الخ

يارجال دامك تحركه قليل اشتر لك جيب قديم أوفر لك باقي الفلوس انت أولى فيها 

موترممتاز وانصح به

السلام عليكم
اتكلم من باب انب امتلكة نفس السيارة لكن موديل 2008 فل اوبشن خليجي . السيارة ممتازة وعملية وهي نفس الاكسبيديشن في اغلب الاشياء لكن استخدام و نعمومه وكفاءة وعزل صوت رهيب ممكن انك تمشي علي 150 او 160 ولاتحس بتعشيقه الجير ولا صوت هوا ولا صوت جنوط والاسفلت. الجديد 2015 تغير كثير في داخليه و قليل في الخارج. وتم اضافه مميزات مثل رادار و نقطعه عمياء وتشغيل عن بعد وغيره. و سعرها في وكاله البحرين كانت ابتداء من 250 الف ريال.طبعا بدون رسوم الاخري مثل التسجيل وغيره من الرسوم. مميزات السيارة عن المنافس الشرس و هو كاديلاك اسكاليد اولا عزل صوت علي سرعات 150 و160 اللنافيجيوتر افضل . الدبل في النافيجيوتر مفصول وانت تشبكه بضغطه زر لكن الايكليد مشبوك علي طول ويثقل السيارة. مكينه الاسكاليد اقوي لكن صرفيه البترول الليينكولن افضل. قطع غيار اللينكولن افضل سعر وجوده . سيارة قليله الخرابات وبس تستدعي تصليح قطع استهلاكيه مثل مساعدات بالون او اقمشه او بواجي وغيره من الاشياء الاستهلاكية. تقيمي للسيارة هو 8 من 10 لان يوجد افضل منها مثل لكزس  و الالماني في الفخامة والاداء . بالنسبة لسعر البيع و الاقبال عليها من السوق فهو ضعيف لان الناس ترغب في الاقل سعر مقارنه بالاداء . ااكد لك السيارة كفاءة وجوده افضل من الاكسبيديشن مع انهم خط تصنيع واحد لكن القطع جودتها افضل بكثير حتي من الفل الكامل من الاكسبيديشن ومن باب تجربة امتلكت اكسبيديشن اعلي فئه لكن النافيجيتور افضل منه في كل شي حتي تحسها من اول ماتركب وتجلس علي الكرسي فرق كبير .توكل علي الله و صل الاستخارة وشاور ايضا ولاتاخذ بكلامي. نقطه اخيره ما اللذي لم يعجبني في السيارة انها توهم ضافوا الميزات اللي سبقتهم شركات صغيرة مثل تشغيل عن بعد ونقطه عمياء وردار و اللي ماعجبني ايضا غلاء بعض قطعها وايضاانها علي الخط. وفي سرعات عاليه 175 واكثر السيارة تتفتف و تحس بالعزم يروح مع انه طبلون 240 او 220 اذا كنت اذكر وعند سوال الوكاله قالوا طبلونها مقفول كمبيوتر علي 175 ولاتزيد وعند طلب فتح التقفيل قالوا مانسويها واذا سويتها يروح الضمان. وايضا المكيف مع سرعات العاليه لك عليه شوي كان يفصل كمبروسر وعند سوال الوكاله قالوا الكمبريسور يفصل من كمبوتر بروحه علي سرعه عاليه لاعطاء فرصه للمكينه لاداء افضل.هذا والله يكتب لك مافيه الخير.

تقريبا قطع غيار فورداكسبديشين اسعار متوسطه بس انتبه تاخذ فيه حفره قويه لأنو ممكن تنفصل عليك اصابع البطاريه والله المستعان 

بيض الله وجيهكم وماقصرتوا والله يسعدكم دنيا واخرة ويرزقكم اللي تتمنونه

السلام عليكم
بخصوص الدبل في الاكسبديشن والدبل في النافيجيتور
هل يوجد بينها اختلاف

حسب علمي ان الفورد واللينكون نفس بعض يختلفون فقط بالاكسسوارات
وطبعاً كشكل وفخامه اللونكن افضل